kumpulan pantun palang pintu

CIRI KHAS PERNIKAHAN

 RAKYAT BETAWI 

      Jadi begini bang kebetulan aye juga orang betawi asli. jdi aye sedikit mengertilah tentang kebudayaan betawi. yang salah satu itu tentang pernikahan walau pun aye jga blon nikah sii bang hahaha. tapi jangan saleh sangke dlu bang walaupun aye blon nikeh calon mah tetep aje ade. dan aye juga sering jadi palang pintu buat ngerayain pernikahan-pernikahan yang menjadi ciri khas orang betawi. jdi ade pantun begigi.. eh eh begini maksudnye bang..
bang bulan roah.
jangan di itung 
bace rawi pelan-pelan                                                  
gua malu ame arwahnye bang pitung
klo anak betawi ga bisa ngaji ame maen pukulan      

buat bobodornye

A : Eh … bang stop berenti, budeg kali lu ye.

     Eh… bang nih ade ape maksudnye nih.

      selanang-selonong di kampung orang.

      Emangnye lu kagak tahu kalo nih kampung ade

      yang   punye???

Eh… Bang, rumah gedongan rumah belande.

pagarnya kawat tiangnya besi,

gue kaga mao tau nih rombongan datengnye dari mane mau kemane,

tapi lewat nih kampung  kudu permisi.

B: Oh… jadi lewat kampung sini kudu permisi, bang.

A: Iye emangnye lu kate nih jalen punye nyai lu.

B: maafin aye bang, kalo kedatangan aye ama rombongan kage berkenan di ati sudare-sudare…Sebelomnye aye pengen ucapin salam Bang…Assalamu, alaikum.

A: Walaikum salam…

B: Begini bang…

makan sekuteng di Pasar Jum,at

mampir dulu di Kramat Jati,

aye dateng ama rombongan dengan segala hormat,

mohon diterime dengan senang hati.

A: Oh … jadi lu udeh niat dateng kemari…

eh…Bang, kalo makan buah kenari.

jangan ditelen biji-bijinye.kalo lu udeh niat dateng kemari.

gue pengen tahu ape hajatnye?…

B:Oh… jadi Abang pengen tahu ape hajatnye…emang Abang

kage di kasih tau ame tuan rumehnye…

Begini bang.. ade siang ade malam,

ade bulan ade matahari,

kalo bukan lantaran perawan yang di dalam,

kaga bakalan nih laki gue anterin ke mari.

A: Oh… jadi lantaran perawan Abang kemari?…

Eh… Bang, kage salah Abang beli lemari,

tapi sayang kage ade kuncinye,

kage salah abang datang kemari,

tapi sayang tuh… perawan udeh ade yang punye.

B: Oh…jadi tuh perawan udeh ade yang punye,

eh …Bang crukcuk kuburan cine,

kuburan Islam aye yang ngajiin,

biar kate tuh perawan udeh ade yang punye,

tetep aje nih laki yg bakal jadiin.

A: …Jadi elu kaga ngerti pengen jadiin,

eh … bang kalo jalan lewat kemayoran,

ati-ati jalannye licin,

dari pada niat lu kage kesampaian.

mending lu pilih mati ape lu batalin.

B: Oh… jadi abang bekeras nih…

eh …Bang ibarat baju udah kepalang basah,

masak nasi udeh jadi bubur.

biar kate aye mati berkalang tanah,

setapak kaki kaga ade nantinye aye bakalan mundur.

A: Oh… jadi lu kage mau mundur,

ikan belut mati di tusuk,

dalam kuali kudu masaknye,

eh… nih palang pintu kage ijinin lu masuk,

sebelum lu penuin persaratannye

B: Oh…jadi kalo mao dapet perawan sini ade saratnye, Bang…?

A : Ade…, jadi nelayan aje ada saratnye… apa lagi perawan…

B: Kalo begitu… sebutin saratnye… Bang…

A: Lu pengen tau ape saratnye…

Bang kepiting kejapit kerang.

Kerangnye di balik lobang batu.

Pasang kuping lu biar terang.

Adepin nih jaware gua satu persatu

B: Oh… jadi kalo mao dapet perawan di mari saratnye kudu bekelahi Bang…

A: Iye … kalo lu takut,mendingan lu pulang...ngangkatin jemuran noh udeh mao ujan

B:....

bintang seawan-awan,

aye itungin beribu satu,

berape banyak Abang punya jagoan

aye bakal adepin satu-persatu.

A:jdi lu nantangin gua bang
B:iye bang... pantang pulang sebelon tercapainya tujuan

A:keluarin kemaluan lu bang

B:ebusehhh bang lu liat nih jurus jawere-jaware gua

nah setelah bobodor ngoceh make pantun… saatnye jaware-jawarenye di adu berantem make pantun juga

C:Eh..bang lu gatau siapa gua

Kepiting kecapit kerang.

kerangnye di rawa cipondoh.

Pasang kuping biar terang

Kenalin nih gua alindoh

D:aliandoh kurus kering kaye kangkung kurang aer

C:seett sial lu bang...ehh bang..

Kepiting kecapit kerang.

Kerangnye di balik batu.

Pasang kuping lu biar terang.

Kenalin nih gua jaware nomor satu

D:eh bang...

ayam jago berkoko jitu

duit cebanan gua beliin kuaci

gua tau bang lu jagoan nomor satu

tapi sayang muke lu kaye sempak banci

C:seeeh sial gua dikatain sempak banci

Bang.. duit cebanan gua beliin kuaci.

Makan nye jangan berisik.

Biar kate muke gua kaye sempak banci.

Tapi cewe gua kaye dewi persik

 D: eh bang...

    lu tau dalemnye rawe,

    pasti lu tau kali semanan,

    kalo mau tau namenye jaware,

    nih lu liat gue punye maenan

C:keluarin kemaluan lu bang

D:permaenan gua bego bukannye kemaluan gua

    Lu liat nih

C:....

    Kelape ijo ditusuk belati

    naek, perahu lurus jalannye,

    udeh banyak jago yang mati,

    liat nih jurus pukulannye

D:yaudeh bang sekarang jangan banyak bacot

C:pok ame ame

D:belalang kupu-kupu

C:ditepok biar rame

D:liat nih si jago mao di adu

dan sedikit info bang

ane juga menerima penggilan/pemesanan 

palang pintu hubungi kami: +62 895341814658

sanggar seliwa melati kong mandor juki

rawa bokor.kp baru kec.benda tangerang-banten